Plantun de Prouvènço

Pèr coumpara dos planto d'encò nostre

Sparganium erectum & Potamogeton nodosus

Varaioun

Sparganium erectum

Typhaceae Sparganiaceae

Autre noum : Sagno.

Nom en français : Rubanier dressé.

Descripcioun :
Lou varaioun se recounèis à si flour pièi si fru agroumela en boulo long d'uno cambo drecho. Fai de lòngui fueio en triangle. Trachis dins la palunaio, li roubino e li canau.

Usanço :
A l'ouro d'aro, emé si poulìdi fru, se n'en sèr en "art flourau". Couneissèn pas d'usanço anciano ; escriéure au site se n'en sabès mai.

Port : Grando erbo
Taio : 60 à 150 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Sparganium
Famiho : Typhaceae
Famiho classico : Sparganiaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 1,2 à 1,8 cm
Flourido : Printèms - Estiéu - Autouno

Sòu : Ca
Autour basso e auto : 0
Aparado : Noun
Jun à óutobre

Liò : Palun - Roubino - Canau
Estànci : Termoumediterran à Mountagnard
Couroulougi : Éurasiatico
Ref. sc. : Sparganium erectum L., 1753 (= Sparganium ramosum subsp. neglectum (Beeby) Neuman, 1889 )

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.